حادقمطبخ

بعض النصائح لتحضير الكشرى المصرى في المنزل مثل المحلات

6 نصائح لتحضير الكشرى المصرى زى المحلات بالظبط:
1-مية سلق الحمص هي نفس المية اللي بتتحط في الدقة.. والدقة فصين توم بيتشوحوا لحد ما ريحتهم تطلع بس وبعدين تنزلوا بالكمون والكسبرة وبعدين خل ثم مية الحمص وسيبوها تغلي.

2-العدس بيتسلق في مية فيها معلقة زيت وشوية ملح وذرة كمون وهي نفس المية اللي بيتطبخ فيها الرز.. والعدس بعد السلق لازم يتهوى.. والرز كمان

3-البصل علشان يقرمش بيتحط عليه معلقة صغيرة نشا ولازم ملح علشان يستوي مع بعضه ولما يطلع بيبقى ناشف لوحده سيبوه يتهوى بس.


4-الزيت اللي بيتحمر فيه البصل مبيترميش.. بيتطبخ منه الرز بالشعرية وبيستخدم في اللمسة النهائية اللي بتتعمل مع كل مكون في الكشري على حدة وهي تشويحة خفيفة قبل التقديم. علشان كدة بتلاقي مكونات كشري المحلات مشدودة.

5-صلصة الكشري عبارة عن طماطم متقشرة بتتعصر وتتغلي حتى التسبيك مع التوابل مع ثوم ني قليل وبعدين بتتعملها طشة زي الملوخية.. صلصة الكشري غير الدمعة خالص وحياة ربنا.

6-اجابة السؤال الذي حير ستات مصر: ايوة فيه مرقة لحمة بتتحط في الصلصة بس مكعب واحد او ستوك كثيف.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق